श्रावण १२/धनगढी
धनगढीको नोभा हस्पिटलमा डाक्टरको लापरवाहीबाट कञ्चनपुरको बेलौरीका १७ वर्षीय नसिब चौधरीको मृत्यु भएपछि आफन्तले अस्पताल तोडफोड गरेका छन् । तोडफोडबाट अस्पतालको अगाडीको भागका सिसा फुटेका छन् ।
---------------------- विज्ञापन ----------------------



तोडफोडका क्रममा प्रहरी र प्रदर्शनकारी बिच झडप हुदा दुई जना घाईते भएका छन् । घाईते हुनेमा बेलौरी २ कञ्चनपुरका अभिक बुढा र लक्ष्मण बुढा रहेका छन् । घाईते दुबैजनाको सारथी अस्पतालमा उपचार भईरहेको छ ।
जन्डिसको समस्या लिएर श्रावण ७ गते नोभा हस्पिटल भर्ना भएका चौधरीको शुक्रबार दिउँसो नेपालगञ्ज लैजान एम्बुलेन्समा राख्ने क्रममा मृत्यु भएको थियो । अस्पतालले उपचारमा लापरवाही गरेका कारण उनको मृत्यु भएको भन्दै आफन्तले शव बुझ्न मानेका छैनन् ।
उनीहरूले उचित क्षतिपूर्ति र उपचारमा संलग्न डाक्टरमाथि कारवाही गर्नुपर्ने माग गरेका छन् । हस्पिटलले शुक्रबार साँझ मृतकका आफन्तसँग वार्ता गरेको थियो तर उनीहरूले जिम्मेवार व्यक्ति वार्तामा आउनुपर्नेमा नर्स पठाइएको भन्दै बहिष्कार गरेका थिए ।सुरक्षालाई मध्यनजर गर्दै अस्पतालमा प्रहरीले पहरा दिइरहेको छ भने मृतकका आफन्त समेत अस्पताल बाहिर भेला भएका छन् ।