श्रावण ७/धनगढी
---------------------- विज्ञापन ----------------------



सुरक्षाको माग गर्दै टीकापुर अस्पतालमा आकस्मिकबाहेकका सबै सेवा बन्द गरिएका छन्।टीकापुर अस्पतालको आकस्मिक कक्षमा गत असार १ गते राति मधुमेह र उच्चरक्तचापका दिर्घकालीन बिरामी पदम बोहरा भर्ना भएका थिए ।टीकापुर अस्पतालमा उपचार सम्भव नभएपछि अस्पतालले उनलाई धनगढी लैजान भनेर रेफर गरीएकोमा बाटोमै मृत्यु भएको थियो।
सोमवार मृतक बोहराका आफन्तले अस्पतालका अध्यक्षलाई कालोमोसो दल्ने जस्ता धम्की दिनुका साथै गालीगलौज गरेको,स्वास्थ्यकर्मी तथा कर्मचारीमाथि हातपात गर्न खोजेको भन्दै अस्पतालले प्रेस विज्ञप्ति निकालेर आकस्मिकबाहेकका सबै सेवा बन्द गरेको जनाएको छ। अस्पतालका अध्यक्ष तथा कर्मचारीहरूलाई धम्की दिनेले माफी माग्नुपर्ने, सुरक्षाको प्रत्याभूति गरिनुपर्ने, धम्की दिनेलाई कानुनी कारवाही गरिनुपर्ने माग सहित अस्पतालका आकस्मिक बाहेकका सेवा बन्द गरिएको समेत विज्ञप्तिमा जनाइएको छ।