भाद्र १०/धनगढी
---------------------- विज्ञापन ----------------------
सुदूरपश्चिमको मौलिक पर्व गौराको चहलपहल बढेको छ। गौरा लगायत चाडपर्व मनाउन भारत र विदेश गएका नेपालीहरू घर फर्किरहेका छन्। गौरापर्वमा घरपरिवारका सबै सदस्यहरू एकसाथ बसेर मनाउने चलन छ। भाद्र कृष्ण षष्ठीदेखि शुरू भई कृष्ण अषटमीसम्म मनाइने गौरापर्वमा पहिलो दिन महिलाहरू निराहार रूपमा व्रत बसि आफ्नो घरमा तामा वा पित्तलको भाँडोमा विरूडा अर्थात पाँच किसिमका गेडागुडी भिजाउने गर्दछन्। गौरा पर्वका अवसरमा तिर्थालु व्रतालुहरू गौरी र शिवको पुजा गर्ने गर्दछन्।
सुदूरपश्चिम र भारतको कुमाउ गडवाल क्षेत्रको मौलिक पर्व गौराका अवसरमा विभिन्न कार्यक्रमहरू आयोजना गर्ने समेत गरिएको छ। यस वर्ष सुदूरपश्चिम प्रदेश सरकारले गौरा पर्वका अवसरमा भाद्र ११ गते सार्वजनिक बिदा समेत दिएको छ।
